KING MISBAH LEAVING CAPTAINCY & ODI

جنوبی افریقہ کے خلاف ون ڈے سیریز میں عبرتناک شکست کے بعد مصباح الحق نے ٹیسٹ اورون ڈے ٹیم کی کپتانی چھوڑنے کا فیصلہ کرلیاہے۔ذرائع کا دعویٰ ہے کہ وہ سری لنکا کے خلاف یو اے ای سیریز سے قبل کپتانی چھوڑنے کا اعلان کردیں گے جن کا شکوہ ہے کہ ٹیم کے بعض سینئر کھلاڑی اُن کے ساتھ تعاون نہیں کررہے۔ذرائع نے انکشاف کیاہے کہ مصباح الحق کپتانی چھوڑنے پر سنجیدگی کے ساتھ غورکررہے ہیں۔واضح رہے کہ یو اے ای سے وطن واپسی پر علامہ اقبال ایئرپورٹ پر صحافیوں سے بات چیت کرتے ہوئے مصباح الحق نے اگرچہ کپتانی نہ چھوڑنے کا عندیہ دیاتھا مگر انہوں نے چند کھلاڑیوں کے ’’عدم تعاون‘‘ کا بھی واضح اشارہ دیاتھا۔جب صحافیوں نے شاہد آفریدی اور محمدحفیظ کی کارکردگی اور کردار کے بارے میں سوال کیا توقومی کپتان کی کیفیت تبدیل ہوگئی جنہوں نے جواب میں کہاکہ میں ان دونوں کے بارے میں کوئی کمنٹ نہیں دے سکتا۔سلیکٹرز موجود ہیں جو دونوں کی کارکردگی دیکھ کر اُنہیں آئندہ سیریز میں کھلانے یا نہ کھلانے کافیصلہ کریں گے۔